Mann (81) funnen død under traktorvinsj
Ein eldre mann på Hitra vart funnen omkomen under traktorvinsjen i garasjen sin tysdag kveld. Han heldt på med noko tømmerarbeid.
Mannen skal til obduksjon, men alt tyder på at han døydde av klemskadene, og at ulukka må ha skjedd omlag eit døgn før han vart funnen. Den gamle mannen budde åleine, og politiet vart varsla då kona hans på aldersheimen ikkje fekk svar på telefon hos han, melder Hitra-Frøya.
Dette er den tredje dødsulukka med traktor involvert så langt i år. Ingen av ulukkene er rekna som arbeidsulukker knytt til ordinær landbruksdrift.
Kjelde: BG/lokale media.
