Beitepussar til Lesjaskog
Han gløymde å svare dei to første dagane av årets BG-nøtter, men kom sterkt tilbake. Bjørn Slettum får ein splitter ny Duun beitepussar til gards i fire veker.
Det vart berre 22 svar frå Bjørn Slettum i årets BG-nøtter, men alle svara var korrekte. Og dermed var han kvalifisert for å vere med i trekninga av fire veker fri bruk av Duun sin nye norskproduserte beitepussar. Som han vann.
Bjørn tok over garden i 2009, og driv med mjølkeproduksjon på garden på Lesjaskog. Frå før deler han og ein nabo ein Kuhn-pussar, men den får nok kvile seg i sommar.
Premien er sponsa av Duun.
BG-nissane gratulerer!
